ລັດວິສາຫະກິດນໍ້າປະປາ ແຂວງ ຈຳປາສັກ ເຊື່ອມຊຶມ ມະຕິກອງປະຊຸມໃຫຍ່ຂອງພັກ ແລະ ຂອງແຂວງ.

ວັນທີ 9 ກໍລະກົດ 2021, ລັດວິສາຫະກິດນໍ້າປະປາ ແຂວງຈຳປາສັກ ໄດ້ສືບຕໍ່ຈັດກອງປະຊຸມເຊື່່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ ແລະ ມະຕິກອງປະຊຸມໃຫຍ່​ຄັ້ງທີ VIII ຂອງອົງຄະນະພັກແຂວງຈໍາປາສັກ.

        ກອງປະຊຸມຈັດຂຶ້ນຢູ່ໂຮງງານຜະລິດນໍ້າປະປາແຂວງ ບ້ານໂພນສະຫວັນ ນະຄອນປາກເຊ ໂດຍການເປັນປະທານຂອງສະຫາຍ ປອ. ໄກ່ຄໍາ ສຸວັນນະເມທີ ເລຂາຄະນະພັກຮາກຖານ ຜູ້ອໍານວຍການລັດວິສາຫະກິດນໍ້າປະປາ ແຂວງຈໍາປາສັກ, ສະຫາຍ ຄໍາສິງ ໝູນເຕ້ ຮອງເລຂາຄະນະພັກຮາກຖານ ຮອງຜູ້ອໍານວຍການລັດວິສາຫະກິດນໍ້າປະປາແຂວງ, ສະຫາຍ ກ້ອນເພັດ ວິວາສານ ຮອງອໍານວຍການລັດວິສາຫະກິດນໍ້າປະປາແຂວງ.​ ມີພະນັກງານວິຊາການ ແລະ ກໍາມະກອນ ພາຍໃນລັດວິສາຫະກິດແຂວງ ເຂົ້າຮ່ວມຮັບຟັງ.

        ກອງປະຊຸມເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ຂອງພັກ ແລະ ຂອງແຂວງ ຄັ້ງນີ້ ເປັນຄັ້ງທີ III. ເອກະສານທີ່ນໍາມາເຊຶ່ອມຊຶມ ຄັ້ງນີ້ ມີ: ເອກະສານເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ ປະຊາຊົນ ປະຕິວັດລາວ. ເອກະສານ​ຜົນສໍາເລັດໃນການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ X ຂອງພັກ ແລະ ມະຕິກອງປະຊຸມໃຫຍ່ ຄັ້ງທີ VIII​ ຂອງອົງຄະນະພັກແຂວງ. ເອກະສານກໍາແໜ້ນ ທິດທາງ,​ ໜ້າທີ່ຕົ້ນຕໍຂອງອົງຄະນະພັກແຂວງ ແລະ ທິດທາງວຽກງານຈຸດສຸມ ໃນການພັດທະນາ ເສດຖະກິດ-ສັງຄົມ ຂອງແຂວງ ໃນ 5 ປີຕໍ່ໜ້າ(2021​-2025). ພ້ອມນີ້​ ຍັງໄດ້ຜ່ານບົດສະຫຼຸບການເຄື່ອນໄຫວວຽກງານຂອງລັດວິສາຫະກີດນໍ້າປະປາແຂວງ ແຕ່ປີ 2018-2020 ແລະ ຜ່ານທິດທາງແຜນການ 5 ປີ(2021​-2025).

*ຖ້າພົບເຫັນນຳ້ປະປາແຕກ, ຮົ່ວໄຫລ ລະບົບນຳ້ປະປາຕິດຂັດ,ຕ້ອງການຕິດຕັ້ງນໍ້າປະປາເຂົ້າເຮືອນໂທ:

☎ ປາກເຊ 031 212514 , 031 1169

☎ ສາຂາ ໂພນທອງ 031 500125

☎ ສາຂາ ເມືອງໂຂງ 031 213 671

☎ ສາຂາ ດອນຕາລາດ 030 2842137

☎ ໜ່ວຍບໍລິການ ສະຜ່າຍ 030 4449921

👉 ຕະຫຼອດ 24 ຊົ່ວໂມງ ສະເພາະເບີ 0311169 ແມ່ນໂທຟີບໍເສຍຄ່າໂທ.