ແຈ້ງການ: ເລື່ອງ ຫ້າມລັກ ແລະ ເກັບຊື້ ວັດຖຸອຸປະກອນນໍ້າປະປາໂດຍບໍ່ຜ່ານການອະນຸຍາດຈາກລັດວິສາຫະກິດນໍ້າປະປາ ແຂວງຈຳປາສັກ.

ອີງຕາມກົດໝາຍວ່າດ້ວຍ ນ້ຳປະປາ ສະບັບເລກທີ 04/ສພຊ, ນະຄອນຫຼວງວຽງຈັນ, ວັນ 9 ກໍລະກົດ 2009.

ອີງຕາມແຈ້ງການຂອງພໍ່ແມ່ ປະຊາຊົນ, ຫ້ອງການອົງການສຳນັກງານຂອງລັດ ແລະ ເອກະຊົນ ມີກຸ່ມຄົນບໍ່ດີລັກອຸປະກອນນ້ຳປະປາ ເປັນຈຳນວນຫລາຍ ແລະ ມີ ທ່າອ່ຽງເພີ່ມຂື້ນເລື້ອຍໆ ເຊີ່ງມີຜົນກະທົບຕໍ່ການສະໜອງນ້ຳປະປາ ແລະ ຊັບສິນຂອງລັດໂດຍກົງ ລວມທັງຜິດ ກົດ  ໝາຍວ່າດ້ວຍ ນ້ຳປະປາ ສະບັບເລກທີ 04/ສພຊ ນະຄອນຫຼວງວຽງຈັນ, ວັນທີ 9ກໍລະກົດ 2009 ມາດຕາ 48 ວ່າດ້ວຍຂໍ້ຫ້າມບໍ່ໃຫ້ບຸກຄົນລັກອຸປະກອນນ້ຳປະປາ.

                        ຜູ້ອຳນວຍການລັດວິສາຫະກິດນ້ຳປະປາ ແຂວງຈຳປາສັກ ອອກແຈ້ງການ

1. ຫ້າມບໍ່ໃຫ້ ບຸກຄົນລັກເອົາວັດຖຸອຸປະກອນນ້ຳປະປາ ຂອງພໍ່ແມ່ປະຊາຊົນ, ຫ້ອງການສຳໜັກງານອົງການຂອງລັດ ແລະ ເອກະຊົນໂດຍບໍ່ໄດ້ຮັບອະນຸຍາດ.
2. ຫ້າມບໍ່ໃຫ້ຫ້າງຮ້ານ ພໍ່ຄ້າຊາວຂາຍ ເກັບຊື້ ວັດຖຸອຸປະກອນນ້ຳປະປາ ຈາກກຸ່ມຄົນບໍ່ດີ ທີ່ລັກເອົາ ອຸປະກອນນຳ້ປະປາ ມາຂາຍໃຫ້ໂດຍບໍ່ໄດ້ຮັບອານຸຍາດ ຈາກລັດວິສາຫະກິດນ້ຳປະປາ ແຂວງຈຳປະສັກ.
3. ໃນກໍລະນີ ຫ້າງຮ້ານ ພໍ່ຄ້າ-ຊາວຂາຍ ແລະ ບຸກຄົນທົ່ວໄປ ຫາກລະເມີດຂໍ້ຫ້າມທີ່ 1 ແລະ 2 ລັດວິສາຫະກິດ ນ້ຳປະປາແຂວງຈຳປະສັກ ຈະແຈ້ງເຈົ້າໜ້າທີ່ ດຳເນີນ ຄະດີຕາມລະບຽບກົດໝາຍຂອງ ສປປ ລາວ ແລະ ປັບໄໝຕາມລະບຽບ ລັດວິສາຫະກິດນ້ຳປະປາແຂວງຈຳປາສັກ ວາງອອກ;
4. ຖ້າຫາກວ່າ ຫ້າງຮ້ານ ພໍ່ຄ້າ-ຊາວຂາຍ ແລະ ບຸກຄົນທົ່ວໄປ ຫາກພົບເຫັນກຸ່ມຄົນທີ່ລະເມີດ ຂໍ້ຫ້າມທີ່ 1 ແລະ 2 ກະລຸນາຖ່າຍພາບຄົນດັ່ງກ່າວ ແລ້ວໂທແຈ້ງໝາຍເລກ (ໂທລະສັບ 031 1169) ລັດວິສາຫະກິດນ້ຳປະປາ ແຂວງຈຳປາສັກ ຈະສົມມະນາຄຸນຜູ້ແຈ້ງ 40% ຂອງມູນຄ່າການປັບໄຫມ ດັ່ງນັ້ນ, ຈີ່ງໄດ້ແຈ້ງ ມາຍັງພໍ່ແມ່ປະຊາຊົນໝົດທຸກຄົນເພື່ອຮັບຊາບ.

ຖ້າພົບເຫັນນຳ້ປະປາແຕກ,ຮົ່ວໄຫລ,ລະບົບນຳ້ປະປາຕິດຂັດ,ຕ້ອງການຕິດຕັ້ງນໍ້າປະປາເຂົ້າເຮືອນຜ່ານຊ່ອງທາງ

Facebook : (ລັດວິສາຫະກິດນໍ້າປະປາ ແຂວງຈຳປາສັກ)

Whatsapp(0 20 59 547 839)

Website:https://nampapacps.com

☎ ສາຍດ່ວນ Call Center:031 1169 ແມ່ນໂທຟີບໍເສຍຄ່າໂທ ຕະຫຼອດ 24 ຊົ່ວໂມງ.

☎ ປາກເຊ 031 212514 

☎ ສາຂາ ເມືອງໂພນທອງ  031 500125

☎ ສາຂາ ເມືອງໂຂງ  031 213 671

☎ ສາຂາ ເມືອງຈຳປາສັກ 030 2842137

☎ ໜ່ວຍບໍລິການ ສະຜ່າຍ 030 4449921