ປະດັບຫຼຽນ ແລະ ມອບໃບຍ້ອງຍໍລັດຖະບານ, ໃບຍ້ອງຍໍເຈົ້າແຂວງ ໃຫ້ແກ່ພະນັກງານ​ – ລັດຖະກອນ ລັດວິສາຫະກິດນໍ້າປະປາ ແຂວງຈໍາປາສັກ

ວັນທີ 31 ມັງກອນ 2023 ຢູ່ທີ່ຫ້ອງປະຊຸມໂຮງງານຜະລິດນໍ້າປະປາບ້ານໂພນສະຫວັນ, ໄດ້ຈັດພິທີປະດັບຫຼຽນໄຊແຮງງານ, ຫຼຽນກາແຮງງານ, ມອບໃບຍ້ອງຍໍລັດຖະບານ ແລະ ໃບຍ້ອງຍໍເຈົ້າແຂວງ ໃຫ້ແກ່ພະນັກງານ​ – ລັດຖະກອນ ລັດວິສາຫະກິດນໍ້າປະປາ ແຂວງຈໍາປາສັກ ທີ່ມີຜົນງານດີເດັ່ນປະກອບສ່ວນດ້ານເຫື່ອແຮງ, ສະຕິປັນຍາ ເຂົ້າໃນຂະບວນການແຂ່ງຂັນ ຮັກຊາດ​ ແລະ​ ພັດທະນາ​, ການສ້າງບ້ານພັດທະນາ ແລະ ການຜັນຂະຫຍາຍວຽກງານ 3 ສ້າງ ເຂົ້າສູ່ລວງເລິກໃນທົ່ວແຂວງ ໄລຍະ 5 ປີ (2016​ – 2020).

    # ໂດຍການເຂົ້າຮ່ວມຂອງ​ທ່ານ​ ປອ.ສຸປານີ​ ສີລິປຸນໂຍ​ ຄະນະປະຈໍາ​ພັກ​ແຂວງ​ ຫົວໜ້າ​ຄະນະ​ໂຄສະນາ​ອົບຮົມ​ແຂວງ​,​ ທ່ານ​ ແສງອາທິດຂັນດາຣາ ຮອງຫົວໜ້າ​ພະແນກພາຍໃນ​ແຂວງ, ທ່ານ ປອ ໄກ່ຄໍາສຸວັນນະເມທີ ຜູ້ອໍານວຍການລັດວິສາຫະກິດນໍ້າປະປາແຂວງຈໍາປາສັກ, ມີບັນດາທ່ານຮອງອໍານວຍການລັດວິສາຫະກິດນໍ້າປະປາ ແລະ ພະນັກງານ-ລັດຖະກອນພາຍໃນລັດວິສາຫະກິດນໍ້າປະປາເຂົ້າຮ່ວມ.​

    #ໃນພິທີໄດ້ຜ່ານບົດສະຫຼຸບການເຄື່ອນໄຫວວຽກງານຂໍ້ແຂ່ງຂັນຮັກຊາດ ແລະ​ ພັດທະນາ​ ໃນ 5 ປີ (2016​ – 2020) ແລະ ທິດທາງແຜນການປີ 2021​ – 2025; ພ້ອມນີ້​ ຍັງໄດ້ຜ່ານບົດລາຍງານການຍ້ອງຍໍຜົນງານ 5 ປີ(2016 – 2020); ຜ່ານລັດຖະດໍາລັດຂອງປະທານປະເທດ​ ເລກທີ​ 166/ປປທ, ລົງ​ວັນທີ​ 14​ ກັນຍາ​ 2022​ ວ່າດ້ວຍການປະດັບຫຼຽນໄຊແຮງງານ; ຜ່ານດໍາລັດຂອງນາຍົກລັດຖະມົນຕີ​ ເລກທີ​ 372/ນຍ, ລົງ​ວັນທີ​ 14​ ກັນຍາ​ 2022​ ວ່າດ້ວຍການປະດັບຫຼຽນກາແຮງງານ ແລະ​ ຜ່ານຂໍ້ຕົກລົງຂອງທ່ານເຈົ້າແຂວງ ເລກທີ​ 1014/ຈຂ.ຈສ, ລົງ​ວັນທີ​ 5 ຕຸລາ​ 2022​ ວ່າດ້ວຍການອະນຸມັດມອບໃບຍ້ອງຍໍຂັ້ນແຂວງ​ ໃຫ້ແກ່ກົມກອງລວມໝູ່ ແລະ​ ບຸກຄົນດີເດັ່ນ ໃນໄລຍະ​ 5 ປີ​ (2016​ ​- 2020), ລວມທັງໝົດ​ 88 ທ່ານ ແລະ​ 1 ກົມກອງ, ພ້ອມນີ້​ ຍັງໄດ້ຜ່ານໃບມອບສິດຂອງນາຍົກລັດຖະມົນຕີ.​ ຈາກນັ້ນ​ ກໍໄດ້ປະດັບຫຼຽນໄຊແຮງງານຊັ້ນ II ໃຫ້ແກ່​ 5 ທ່ານ,​ 1 ກົມກອງ, ປະດັບຫຼຽນໄຊ​ແຮງງານ​ ຊັ້ນ​ III ໃຫ້ບຸກຄົນທີ່ມີຜົນງານດີເດັ່ນໃນຂະບວນການແຂ່ງຂັນຮັກຊາດ ແລະ​ ພັດທະນາ​ ຈໍານວນ​ 13 ທ່ານ,​ປະດັບຫຼຽນກາແຮງງານ​ ໃຫ້ຈໍານວນ 17 ທ່ານ, ມອບໃບຍ້ອງຍໍລັດຖະບານ ໃຫ້​ 43 ທ່ານ,​  ແລະ​ ມອບໃບຍ້ອງຍໍເຈົ້າແຂວງ ໃຫ້​ 10 ທ່ານ.​ ໃນພິທີ​ ຍັງໄດ້ປະກາດເນື້ອໃນການແຂ່ງຂັນຮັກຊາດ ແລະ ພັດທະນາ ຮອດປີ 2025.​ 

 ຖ້າພົບເຫັນນຳ້ປະປາແຕກ,ຮົ່ວໄຫລ,ລະບົບນຳ້ປະປາຕິດຂັດ,ຕ້ອງການຕິດຕັ້ງນໍ້າປະປາເຂົ້າເຮືອນຜ່ານຊ່ອງທາງ

Facebook : (ລັດວິສາຫະກິດນໍ້າປະປາ ແຂວງຈຳປາສັກ

WhatApp:(0 20 59 547 839)

Website:https://nampapacps.com

☎️ ສາຍດ່ວນ Call Center:031 1169 ແມ່ນໂທຟີບໍເສຍຄ່າໂທ ຕະຫຼອດ 24 ຊົ່ວໂມງ.

☎ ປາກເຊ 031 212514  

☎ ສາຂາ ເມືອງໂພນທອງ  031 500125 

☎ ສາຂາ ເມືອງໂຂງ  031 213 671 

☎ ສາຂາ ເມືອງຈຳປາສັກ 030 2842137 

☎ ສາຂາ ເມືອງຊະນະສົມບູນ 030 4449921

☎ໜ່ວຍງານຄຸ້ມຄອງຄຸນນະພາບນໍ້າປະປາ 020 55925404-020 54992456